Ikerketa Agentzia Nazionalak deialdien egutegi berri bat jarri du abian, 2025eko bigarren seihilekorako aurreikusitako laguntza-deialdi nagusiei buruzko informazio argia, egituratua eta eguneratua emanez.
Egutegi honek komunitate zientifiko-teknikoari jakinarazten dio zein deialdi dauden une honetan martxan edo hurbilenik irekitzekoak diren.

Laguntzen planifikazioan jasota daude Ikerketa Agentzia Nazionalak (AEI) egingo dituen inbertsioak, Estatuko Aurrekontu Orokorretako (PGE) funtsak, Eskualde Garapeneko Europako Funtsak (EGEF/FEDER) eta Gizarte Funtsak (FSE) erabilita, kudeatutako deialdiak finantzatu eta kofinantzatzeko.

Berrikuntza nagusiak:
• Egutegi berri honek 2025eko uztailaren eta urte amaieraren artean irekitzeko aurreikusita dauden deialdi guztiak jasotzen ditu, bai eta une honetan izapidetzen ari diren laguntzen eguneraketak ere.
• Egutegiak deialdi bakoitzaren irekiera-data zehatza adierazten du.
• Egutegian jasotako deialdi bakoitzak laguntzari buruzko informazio guztirako esteka zuzena du, xehetasun guztiak puntu bakar batetik modu errazean eta zentralizatuan kontsultatzeko aukera emanez.

2025eko Ezagutza Sortzeko Proiektuen, Ramón y Cajal Laguntzen eta Juan de la Cierva Laguntzen deialdien data-aldaketak
Kontuan hartu beharreko puntua zera da: 2025eko Ezagutza Sortzeko Proiektuen, Ramón y Cajal Laguntzen eta Juan de la Cierva Laguntzen deialdiak aurten aurreratu egingo direla, azaroan irekiko baitira, aurreko urteetan abenduan irekitzen baziren ere.